సంక్రాంతి శుభాకాంక్షలు

సంక్రాంతి సంబరాలు ప్రతి ఇంటా మొదలయేను ,
ఆప్యాయుల ఆగమనం , ఆదరించే అభిమానం,
ఆటలతో, పాటలతో ప్రతి ఇల్లు అయ్యెను ఆటస్థలం ,
కొత్తశకం తెరతిసి , పాతనంత మంటచేసి ,
భోగిమంట వెలుగులా, వెలగాలి మన జీవితం ,
గాలిపటాల సమూహం ఆకసాన హరివిల్లు కాగ ,
డుడు బసవన్న ,సన్నాయి చప్పుళ్ళు
సందు సందున వినిపించగా ,
కోడి పందేలు, పిల్లల కేరింతలతో ,
సంక్రాంతి సంబరాలు మిన్నంటేనే .........

National Youth Day

వెలిగించు జ్యోతిని , నీ ఎదలోని జ్వాలతో ,

నడిపించు భారతాన్ని , నీ యువత స్పూర్తితో ,

బలమే నీ ఆయుధమై , ధైర్యం నీ ఊపిరిగా ,

సాహసంతో పోరాడి , సాధించు అనుకున్నది,

మానవతా దృక్పథం నరనరాన పారించి ,

సాటి మనిషి శ్రేయస్శుకు పాటుపడు ఓ మనిషి ,

ఔదార్యం , ఔన్నత్యం మనం ధరించే ఆభరణం ,

పెంచుకుంటూ పోతే పెరుగును మన ఐశ్వర్యం ,

"కష్టేఫలి" అన్న నానుడి నువ్వు తెలుసుకుని ,

ఇష్టంతో ప్రయత్నిస్తే అనుకున్నది దొరుకుతుంది,

మన యువత కావలి జాతి గర్వించేలా ,

వేలకొలది వివేకులు రావాలి ప్రతి ఇంటా .....